شفت الواد احمد كان إيه
كان بيقلد شكل الأرنب والعصفور يعمله باديه
كان بيبص لي زي التعلبْ والمنظار يتفرج فيه
ويا القط ينط ويلعب ويبربش علطول بعنيه
كان يلعب دايما مع جده وبيسمع اجمل حكاويه
بس ما كانش يزور مدرسته
ولا يعرف كان فين كراسته
ويكشر لو تزعل مامته ولا يهتم بخوفنا عليه
كان يهرب في العتمة و يمشي
م الناس الماشين ما يخافشي
لو تساله بيقول ما اعرفشي
ويصقف للناس حواليه
قالوا عليه في المدرسة خايب
مع استاذه ما هوش متجاوب
وهوه حواجبه كان بيلاعب
ويقول لنا انا هاعمل ايه
شاف اصحابه بقوا شطارْ وبياخدوا جوايز تذكار
اما احمد دلوعة الدارْ الدمعة نزلت حواليه
شاف اصحابهم بتحييهم
والأحباب بتبارك ليهم
شاف الفرحة في عين اهاليهم
قال أنا هاقعد اعمل إيه
لازم اذاكر ويا اصحابي واتعب مع شنطتي وكتابي
ولأستاذي أفتح بابي يفرح بابا الله يحميه
صار ندمان وما عادشي بْعاندْ
بقي دي الوقتي أفضل واحد
ساعة الحصة بعقله يجاهد
ساعة الجد نشيط ويساعد
وجيرانا بتحسدنا عليه
"""""""""""""""""""""
