مرحب بيك يا خروف العيد - بالعامية المصرية - شاكر صبري

قلبنا بيك فرحان وسعيد
مأمأ يا اللا نط ومامأ
من فرحتنا تعالي اتحقق
بص ف عينا تعالي ودقق
غني معشانا اغاني العيد
دا احنا بنفرح بيك يا خروف
اجري معانا ولف وطوف
ولمراجحنا بص وشوف
واوعي تكون مننا مكسوف
حواليك جينا الايد ف الايد
بحييك وبنستناك
حواليك نجري ونمشي وراك
قوم يا خروفنا تعالي وشوفنا
تلقي ضيوفنا
فرحها اكيد
مأ مأ يا اللا
معانا اتسلي
كل واتحلي
هتبقي شديد
هل علينا العيد بالخير
بفرح فيه مالك وفقير
سعدنا بيك يا خروفنا كبير
علشان مانتش لينا عنيد
يوم العيد يوم الاضحية
علمتنا معني التضحية
هنضحي لبلادنا الغالية
والحجاج ماليين عرفات
ندعي لمصرنا بالبركات
ندعي نقول يا الاهي احرسها
صون جوامعها وصون كنايسها
من شياطين عايز تدنسها
يلقي الخاين ليها خراب
تبقي حياته عذاب ف عذاب
يلقي جزاؤه لسوء النية
وتكمل فرحنا بالعيد