الصفرْ
الصفرْ دا نقطةْ علي السَّطر
لو وحده ما بقاش له قيمة
لكن وسط اخواته تشوفه
له قيمة ويظهر تقديره
لو كان صفر علي الشمالْ
ما بينفاعشي في أيةْ حالْ
يبقي مكانه تعرفوا فين
يبقي مكانهْ علي اليمينْ
الواحد (1)
أنا واحد وحدت بربي
أنا واقف مش باصص جنبي
أنا من بعد الصفر مكاني
وانا في العد الرقم التاني
وانا دايما واقفْ تلقاني
أنا عمري ما باخاصم حدْ
وانا طول عمري دوغري وجدْ
ولا معووج لو حد ناداني
أنا واحد , وما ليش تاني
أنا بعد الصِّفرْ مَكاني
وانا طيب وباحب اخواني
الاتنين ( 2)
الاتنين بتبص يمينْ
بصوا وشوفوا مكانها فينْ
بصوا وشوفوا مكانها فين
بعد الواحد تلقي مكانها
باصَّة يمين علي كل اخوانها
الاتنين دول أم واب
والاتنين السما والأرض
لو نجمع واحد مع واحد
يبقوا اتنين
لو تعرفوا تحفظوا شكلها
تبقم شاطرين
يا اللا تعالوا معانا ....وعِدُّو
واحد ...اتنين
التلاتة (3)
أنا وحمادة كُنا اتنين
جالنا سعيد فبقينا تلاتة
تلاتة دايما بعد اتنين
بيشيلوا اصحابهم في العينْ
واحد شايل بَطتينْ
باصِّينْ فوق همَّا الاتنين
لو تجمع عا الاتنين واحد
يبقوا تَلاتةْ
الأربعة (4)
الأربعة بتبص يمين
طول عمرها لها سِنِتِّينْ
لو تجمع واحد وتلاتة
أو تجمع اتنين واتنين
هتلاقي المجموعْ أربعةْ
يحسبها صغارنا الحلوين
والأربعة هما الإخلاص
وسماحة وحب وإحساس
تعطيهم لجميع الناس
الناس هتشيلك في العين
الخمسة
الخمسة كحكة بسكر
دي صوابع إيدي الواحدة
وبعقلك احسبْ فَكَّرْ
راح تاخد أجمل وردة
اجمع اتنين وتلاتة
أو أربعة وعليها واحد
راح يبقوا خمسة يا صاحب
اعرف دايما واتذَكَّرْ
وهتاخد كحكة بسُكَّرْ
الستة ( 6)
أنا ستة وبابص شمال
وانا بعد الخمسة يا أطفال
لو تجمع اتنين واربعة
و تحُطْ تَلاتةْ علَي تَلاتَةْ
تلقاني ستة و هابقي
شاطر زي الشرباتة
والستة ما بتزعل حد
بتبص لشمالها بجدْ
بتضيف عا الخمسة واحد
السبعة (7)
أيام الأسبوع دول سبعة
وآخرهم كان يوم الجمعة
ستة ...و واحد يبقم كام
يبقم سبعة
والسبعة بتبص لفوق
دايما هادية وعندها ذوقْ
للسما دايما بتبصْ
لاخواتها التانيين بتحسْ
تجمع واحد ... ويا السِتَّةْ
أو تجمع اتنين مع خَمْسةْ
لو شاطرْ راحْ يبقمْ كامْ ؟
يبقم سبعةْ
التمانية ( 8)
وتمانيه بتيجي بسرعةْ
تلقاها بعد السابعةْ
هتلاقي وشَّها للأرضْ
لو تجمعْ ستَّةْ علَي اتْنينْ
أو تجمع سبعة وواحد
راحوا يبقوا تمانية يا حلوين
أو خْمسة عليها ثلاثةْ
التسعة (9)
التسعة قبل العشرة
والتسعة دايرة جميلة
وشايلها واحد حيلة
وبتيجي بعد تماينة
اعرفهمْ إنتَ وهُوَّ
راح تبقي ملان بالقوة
تجمع خمسة علي اربعة
أو تجمع سبعة علي اتنين
يبقم تسعة يا شاطرين
العشرة (10)
العشرة صفر وواحد
صفر علي يمين الواحد
والعشرة صوابع ايدي
مع بعض اجمع الاتنين
يعرفها الناسْ الحلوينْ
وبتيجي بعد التسعة
العشرة خمسة وخمسة
أو أربعة وعليها ستة
وتعالوا نعدْ لعشرة
واحد اتنين ثلاثة اربعة
خمسة ستة سبعة تمانية
تسعة عشرة
